This is the first literal translation of Stumme’s collection of 37 folktales from Malta and Gozo which were narrated to him mostly by illiterate peasants and which he recorded in phonetic script in 1903 when he visited Malta.  They are an invaluable contribution to the heritage of the Maltese islands.

Din il-kollezzjoni ta’ ħrejjef hija importanti fil-wirt folkloristiku ta’ Malta għaliex tikkonsisti fi stejjer tal-passat li l-antenati tagħna għaddew bil-fomm bejn ġenerazzjoni u oħra. Stumme għamel xogħol eċċellenti billi rrekordjahom eżatti kif semagħhom għax b’hekk għandna rikordju dirett ta’ kif kienu jitkellmu u jaħsbu l-Maltin tal-1903. Flimkien ma’ dawk li oriġinaw minn Malta, dawn il-ħrejjef jinkludu oħrajn li juru l-influwenza tal-barranin. Dawn l-istejjer oriġinalment ġew irrakkontati bid-djalett u Stumme kitibhom bil-lingwa fonetika. Grima qalbithom għall-Malti modern bit-tama li dawn l-istejjer isiru parti mill-edukazzjoni tal-Maltin. Lily Grima ltaqghet mal-kollezzjoni ta’ dawn l-istejjer waqt li kienet qed tagħmel riċerka fuq l-etnomużikoloġija ġo Goldsmiths College, Londra. Il-karriera prinċipali tagħha kienet fil-qasam tal-edukazzjoni bħala għalliema li tispeċjalizza fil-mużika. Bħalissa hija taħdem privatament bħala interpreta u traduttriċi.